अज्ञात वाहनाच्या धडकेत मुंब्य्राचे पोलिस निरिक्षक मृत्युमुखी; चार जण गंभीर जखमी

अस्वली स्टेशन (नाशिक) : मुंबई-नाशिक महामार्गावर रायगड नगर जवळ झालेल्या अपघातात एकाचा मृत्यु झाला असून चार जण गंभीर जखमी झाले आहेत. मयत झालेले खांडवी हे मुंब्रा मुंबई येथे पोलिस निरिक्षक पदावर कार्यरत असल्याचे समजते.

अधिक व्रुत्त असे की, काल सायंकाळी ८ वाजेच्या सुमारास  वाडीव-हे जवळील रायगड नगर  परिसरात नाशिकहून येणारी एर्टिगा क्रमांक एमएच ०२ डीडब्ल्यू ७०६६ या कारची आणि अज्ञात मालवाहु वाहनाची जोरदार धडक झाली. या अपघातात एर्टिगा मधील पाच जण जखमी झाले . त्यांना जगद्गुरू नरेंद्रा्चा्र्य महाराज संस्थानच्या रुग्नवाहिकेचे वाहक निवृत्ती गुंड यांनी तत्काळ नाशिक येथील खासगी रुग्णालयात दाखल केले मात्र गंभीर जखमी असलेले पांडुरंग चिंतामणी खांडवी हे  उपचारदारम्यान मयत झाले. तर बाकी चार जखमीवर उपचार सुरु आहेत.

 हेही वाचा - दुर्दैवी अपघात आणि महापालिका कर्मचाऱ्याचे अख्खे कुटुंब उध्वस्त; ५ वर्षीय चिमुरडा ठार, पत्नी गंभीर 

दरम्यान मयत झालेले पांडुरंग खांडवी (वय ४५) हे मुंब्रा पोलिस स्टेशन येथे पोलिस निरीक्षक म्हणून कार्यरत असल्याचे समजते. ते कुटुंबासह त्यांच्या गावी काही कार्यक्रमासाठी आलेले होते, कार्यक्रम आटोपुन ते पुन्हा मुंबई कड़े जात असतांना त्यांच्यावर काळाने घाला घातला.या अपघतात त्यांची पत्नी व दोन मुले देखील जखमी झाले आहेत. जखमीमध्ये मीना पांडुरंग खांडवी, वैष्णवी पांडुरंग खांडवी, जय पांडुरंग खांडवी आणि विनायक रघुनाथ सानप हे जखमी झाले आहेत. अपघातानंतर अज्ञात ट्रक चालक ट्रक सह फरार झाला आहे. वाडीव-हे पोलिस स्टेशनला याबाबत अपघाताचा गुन्हा दाखल झाला असून पुढील तपास पो.नि. विश्वजीत जाधव यांच्या मार्गदर्शनाखाली सपोनि शिंदे, पोउनि नितिन पाटिल, हवा.मोरे,देवीदास फड़ हे करीत आहेत. गेल्या पंधरा दिवसांपासून विल्होली ते गोन्दे या दरम्यान अपघातांचे प्रमाण प्रचंड वाढले असून अनेकांना यात आपला जीव गमवावा लागला आहे.

हेही वाचा - नाशिकमधील धक्कादायक घटना! कुटुंबाचा सामूहिक आत्महत्येचा प्रयत्न; पोलीस तपास सुरू