जळगाव : भोसरी जमीन घोटाळा प्रकरणात ईडीने दाखल केलेल्या गुह्यात राष्ट्रवादी काँग्रेसचे नेते एकनाथ खडसे यांच्या पत्नी मंदाकिनी खडसे यांना सत्र न्यायालयाने अंतरिम जामीन मंजूर करीत मोठा दिलासा दिला. न्यायाधीश राहुल रोकडे यांनी एक लाखांच्या वैयक्तिक जातमुचलक्यावर जामीन मंजूर केला.
कथित आर्थिक अफरातफर प्रकरणात उच्च न्यायालयाने मंदाकिनी खडसे यांना अटकेपासून अंतरिम संरक्षण देताना जामिनासाठी कनिष्ठ न्यायालयात दाद मागण्यास सांगितले होते. त्यानुसार मंदाकिनी यांनी फौजदारी दंड संहितेच्या कलम 88 अन्वये सत्र न्यायालयात अंतरिम जामिनासाठी अर्ज केला होता. त्यांच्यावतीने ऍड. मोहन टेकावडे यांनी बाजू मांडली. मंदाकिनी यांनी ईडीच्या तपासादरम्यान संपूर्ण सहकार्य केले आहे. त्यांनी जवळपास 15 वेळा ईडीच्या कार्यालयात हजेरी लावून आवश्यक ती सर्व कागदपत्रे सादर केलेली आहेत, असे ऍड. टेकावडे यांनी सांगितले.
Mandakini Khadse, wife of senior NCP leader & former Maharashtra minister Eknath Khadse, granted interim bail by Special PMLA court in an alleged Pune land deal case of 2016 on a surety of Rs 1 lakh: Advocate Mohan Tekavde
— ANI (@ANI) January 25, 2023
त्यावर ईडीतर्फे अतिरिक्त सॉलिसिटर जनरल अनिल सिंह यांनी मंदाकिनी खडसे यांच्या जामीन अर्जाला विरोध केला. उभय पक्षांचे युक्तिवाद ऐकून घेतल्यानंतर सत्र न्यायाधीश राहुल रोकडे यांनी मंदाकिनी यांचा नियमित जामिनाचा अर्ज निकाली काढला जाईपर्यंत त्यांना अंतरिम जामीन मंजूर केला. या कालावधीत मंदाकिनी यांनी पुराव्यांमध्ये कुठलीही छेडछाड करू नये, देश सोडून बाहेर जाऊ नये तसेच ईडीचे तपास अधिकारी बोलावतील त्यावेळी यंत्रणेच्या अधिकाऱयांपुढे हजर राहावे, अशा अटी न्यायालयाने अंतरिम जामीन मंजूर करताना घातल्या आहेत.
हेही वाचा :
- ‘गोल्डन बॉय’च्या ममीवर सोन्याचे ताईत
- बापरे! पत्नीला त्रास देण्यासाठी केला चेक बाऊन्स, नेमंक प्रकरण काय आहे?
- बायडेन यांच्यावरील छापा
The post एकनाथ खडसे यांच्या पत्नीला अंतरिम जामीन मंजूर, सत्र न्यायालयाकडून मोठा दिलासा appeared first on पुढारी.