जळगाव : पुढारी वृत्तसेवा
सातबारा उतार्‍यावर नाव लावण्यासाठी तीनशे रुपयांची लाच स्वीकारणाऱ्या साक्री (ता. भुसावळ) येथील महिला तलाठी एम.एन.गायकवाड यांना जळगाव एसीबीच्या पथकाने रंगेहात अटक केली आहे. या कारवाईमुळे महसूल विभागात प्रचंड खळबळ उडाली आहे.
भुसावळ तालुक्यातील साक्री येथील तलाठी एम. एन. गायकवाड यांनी सातबारा उतार्‍यावर नाव लावण्यासाठी तीनशे रुपयांची लाच मागून ती खडका कार्यालयात स्वीकारली. मंगळवारी,दि.31 दुपारी तीनच्या सुमारास जळगाव एसीबीच्या पथकाने त्यांना सापळा रचून अटक केली आहे. हा सापळा पोलीस उपअधीक्षक शशीकांत पाटील, नाईक ईश्वर धनगर, कॉन्स्टेबल राकेश दुसाने, एएसआय दिनेशसिंग पाटील, एएसआय सुरेश पाटील, हवालदार सुनील पाटील, हवालदार रवींद्र घुगे, शैला धनगर, किशोर महाजन, सुनील वानखेडे, प्रदीप पोळ, सचिन चाटे, प्रणेश ठाकुर आदींच्या पथकाने हा सापळा यशस्वी केला.
हेही वाचा:
- Amravati : मेळघाटात पक्ष्यांच्या दहा नवीन प्रजातींची भर : २१० प्रजातींच्या पक्ष्यांची नोंद
- नाशिक : कार्यकारी अभियंता कंकरेज यांची बदली
- पुणे: खिशातील पैसे काढण्यास विरोध केल्याने डोक्यात फोडली बिअरची बाटली, खुनाचा प्रयत्न करणार्‍या तिघांना बेड्या
The post जळगाव : अवघ्या तीनशे रुपयांच्या लाचप्रकरणी महिला तलाठी जाळ्यात appeared first on पुढारी.
