जळगाव : जळगाव स्थानिक गुन्हे शाखेचे निरीक्षक किरणकुमार बकाले यांची मंगळवारी रात्री उशिरा तडकाफडकी नियंत्रण कक्षात बदली करण्यात आली आहे. यामुळे जिल्हा पोलीस दलात एकच खळबळ उडाली आहे.
जळगाव गुन्हे शाखा निरीक्षकांचा जिल्ह्यात सर्वाधिक दबदबा असतो हे सर्वश्रृत आहे. शिवाय या पदावरील खुर्ची मिळण्यासाठी अधिकार्‍यांमध्ये मोठी चढाओढदेखील असते. मात्र या पदावरील अधिकार्‍याची पोलीस अधीक्षकांनी तडकाफडकी बदली केल्यानंतर प्रचंड खळबळ पोलीस दलात उडाली आहे. पोलीस निरीक्षक किरणकुमार बकाले यांच्या कार्यकाळात अनेक खुनांसह कठीण गुन्ह्यांचा उलगडा करण्यात गुन्हे शाखेला यश आले होते. शिवाय गुन्हे डिटेक्शनचे प्रमाणही अलिकडच्या काळात वाढल्याचे दिसून आले होते. मात्र असे असताना अचानक निरीक्षकांची तडकाफडकी नियंत्रण कक्षात बदली करण्यात आल्याने आश्चर्यदेखील व्यक्त केले जात आहे. मंगळवारी रात्री ११.३० वाजता जिल्हा पोलीस अधीक्षक डॉ.प्रवीण मुंढे यांनी त्यांच्या बदलीचे आदेश काढले आहे. एका समाजाविषयी केलेल्या आक्षेपार्ह वक्तव्याची तक्रार लोकप्रतिनिधींनी केल्यानंतर जिल्हा पोलीस अधीक्षकांनी हा निर्णय घेतल्याची चर्चा आहे.
- Palak Tiwari : लग्न अजिबात करू नकोस; श्वेता तिवारीने दिला मुलीला सल्ला
जळगाव स्थानिक गुन्हे शाखेचे पोलीस निरीक्षक किरणकुमार बकाले यांनी समाजाविषयी आक्षेपार्ह्य व अश्लील भाषा वापरल्याचे फोनवरील संभाषणाची ऑडिओ क्लिप मला काल संध्याकाळी प्राप्त झाली होती. एका पोलीस अधिकाऱ्याची एखाद्या समाजाविषयीची भावना व वापरलेली भाषा पाहता अश्या जातीयवादी प्रवृत्तीच्या अधिकाऱ्याचे तत्काळ निलंबन करण्यात येऊन त्याची चौकशी करावी अशी मागणी मी पोलीस अधिक्षक डॉ.प्रवीण मुंडे यांच्याकडे केली होती. यानंतर त्यांना नियंत्रण कक्षात जमा करण्यात आले आहे. -मंगेश चव्हाण, आमदार चाळीसगाव.
हेही वाचा :
- Palak Tiwari : लग्न अजिबात करू नकोस; श्वेता तिवारीने दिला मुलीला सल्ला
- पाकिस्तानी हिंदू स्थलांतरितांना वीज जोडणीसाठी ‘एनओसी’ का दिली नाही?; दिल्ली उच्च न्यायालयाची केंद्राला नोटीस
- कोल्हापूर : नंदवाळ परिसरात बिबट्याचा नव्हे तरसाचा वावर
The post जळगाव एलसीबी निरीक्षकांची मुख्यालयात तडकाफडकी बदली appeared first on पुढारी.