नाशिक : पुढारी वृत्तसेवा
गृह विभागाने काही दिवसांपूर्वी भारतीय पोलिस सेवेतील अधिकार्‍यांच्या बदल्या केल्यानंतर आता अधीक्षक आणि उपायुक्त पदावरील अधिकार्‍यांच्या बदल्या केल्या आहेत. त्यानुसार नाशिकच्या लाचलुचपत प्रतिबंधक विभागाचे अधीक्षक सुनील कडासने यांची नागपूर लोहमार्ग अधीक्षकपदी नियुक्ती करण्यात आली आहे. तर, राज्य गुप्तवार्ता विभागाच्या उपआयुक्त शर्मिष्ठा वालावलकर-घार्गे यांची लाचलुचपत प्रतिबंधक विभागाच्या अधीक्षकपदी नियुक्ती करण्यात आली आहे. तसेच, नाशिक पोलिस आयुक्तालयात आता नव्याने तीन उपआयुक्तांची नियुक्ती करण्यात आली आहे.
गृह विभागाने सोमवारी (दि.7) राज्यातील 104 अधिकार्‍यांच्या बदल्यांचे आदेश निर्गमित केले. त्यामध्ये सहा अधिकार्‍यांची नाशिकमध्ये बदलीने पदस्थापना झाली आहे. तर, नाशिकमधील उपआयुक्त विजय खरात यांची महासंचालक कार्यालयातील दक्षता विभागाच्या सहाय्यक महानिरीक्षक पदावर बदली झाली आहे. यासह ‘सीआयडी’चे अधीक्षक अजय देवरे, ‘एसीबी’चे अधीक्षक सुनील कडासने यांच्यासह अन्य तीन अधिकार्‍यांची बदली करण्यात आली आहे.
दरम्यान, नाशिक शहर आयुक्तालयातील तत्कालीन गुन्हे उपायुक्त संजय बारकुंड हे धुळ्याचे अधीक्षक असून, त्यांसहित खरात यांचे पद आता रिक्त आहे. मात्र, नाशिकमध्ये नव्याने तीन उपआयुक्त नियुक्त झाले आहेत.
उपायुक्त/ अधीक्षक विद्यमान बदलीने पदस्थापना
शर्मिष्ठा वालावलकर उपआयुक्त, गुप्तवार्ता, नाशिक अधीक्षक, एसीबी नाशिक
चंद्रकांत खांडवी अपर अधीक्षक, मालेगाव उपआयुक्त, नाशिक शहर
प्रशांत बच्छाव अपर अधीक्षक धुळे उपआयुक्त, नाशिक शहर
किरणकुमार चव्हाण अधीक्षक फोर्सवन उपआयुक्त, नाशिक शहर
गीता चव्हाण उपआयुक्त, बंदरे,मुंबई उपआयुक्त,गुप्तवार्ता नाशिक
सुनील कडासने अधीक्षक, एसीबी नाशिक अधीक्षक, लोहमार्ग, नागपूर
विजय खरात उपायुक्त, नाशिक शहर सहाय्यक पोलिस महानिरीक्षक, दक्षता
अमोल तांबे पोलीस उपआयुक्त, शहर अधिक्षक, एसीबी, पुणे
अजय देवरे अधीक्षक, सीआयडी नाशिक अपर अधीक्षक, लातूर
गौरव सिंग अधीक्षक, एमपीए उपायुक्त, मुंबई शहर
दीपाली प्रमोद काळे अधीक्षक, एमपीए उपायुक्त, सोलापूर
अकबर पठाण अधीक्षक, नागरी हक्क संरक्षण नाशिक उपायुक्त, मुंबई
हेही वाचा :
- झापवाडी शिवारात आढळला मृत बिबट्या
- पिंपरी : ‘आनंदाच्या शिधा’साठी दिवाळीनंतरही दमछाक
- पिंपरी : वे टू भुर्रर्र…! पडेल महागात; पोलिसांकडून सतर्कतेचा इशारा
The post नाशिकच्या वरिष्ठ पोलिस अधिकार्‍यांच्या बदल्या appeared first on पुढारी.
