नाशिक : पुढारी वृत्तसेवा
शहर व परिसरात तीन दिवसांपासून थंडीचा कडाका वाढला असून त्यातच शुक्रवारी (दि.६) पहाटे बोचऱ्या वाऱ्यांसह धुक्यात अवघे शहर हरवून गेले. थंडीचा जोर कायम असल्याने नाशिककर गारठून गेले आहेत.
उत्तर भारतामधून येणाऱ्या शीतलहरींमुळे जिल्ह्यात गारवा जाणवत आहे. नाशिक शहराचा पारा १६.४ अंशापर्यंत पोहचला असला तरी मध्यरात्री व पहाटेच्या वेळी वाहणाऱ्या थंड वाऱ्यांमुळे नागरिकांना हुडहूडी भरली आहे. त्यातच शुक्रवारी (दि.६) धुक्यात शहर हरविले. सकाळी ९ पर्यत शहराच्या विविध भागांमध्ये धुके पडले असल्याने त्याचा परिणाम वाहतूक व्यवस्थेवर झाला. दरम्यान, गारव्यापासून बचाव करण्यासाठी नाशिककर शेकोट्यांभोवती गर्दी करत असून उबदार कपड्यांनाही पसंती मिळते आहे.
निफाडमध्ये देखील थंडीची लाट कायम असून तालूक्यातील जनजीवन विस्कळीत झाले आहे.
हेही वाचा:
- महिलांनो, स्वयंस्फूर्तीने विज्ञानक्षेत्रात भरारी घ्या : डॉ. निशा मेंदिरत्ता
- Sai Tamhankar : ‘नव्याने प्रेमात पाडायला लावतेय सई❤️🔥❤️’… (पाहा फोटो)
- पिंपरी : बस सुविधा कधी मिळणार ? वर्ष संपले तरीही पालिका शाळांतील विद्यार्थ्यांना मिळेना बस
The post नाशिक : थंडीसोबत धुक्यात हरवले शहर; बोचऱ्या वाऱ्यांनी वाढला गारवा appeared first on पुढारी.
