नाशिक : पुढारी वृत्तसेवा
स्वातंत्र्यवीर वि. दा. सावरकर यांच्याविरोधात राहुल गांधी यांनी केलेल्या वक्तव्याचा सोमवारी (दि.27) दिल्लीतील संसदेच्या आवारात राज्यातील भाजप – शिवसेनेच्या खासदारांनी आंदोलन करत निषेध केला.
‘बंद करो – बंद करो, वीर सावरकरजी का अपमान बंद करो’ अशा आशयाचे फलक झळकावत खासदारांनी राहुल गांधी यांच्या विधानाविरोधात घोषणाबाजी केली. खासदारांच्या या घोषणाबाजीमुळे काही काळ संसद आवारातील वातावरण ढवळून निघाले होते. यापुढे स्वातंत्र्यवीर सावरकर यांची बदनामी करणार्यांना धडा शिकवणार असल्याचा इशारा यावेळी खासदार हेमंत गोडसे यांनी दिला. काँग्रेसचे नेते राहुल गांधी यांनी काही दिवसांपूर्वी स्वातंत्र्यवीर सावरकर यांच्या विरोधात केलेल्या वक्तव्याच्या निषेधार्थ महाराष्ट्रातील भाजप – सेनेच्या खासदारांनी संसदेच्या आवारातील छत्रपती शिवरायांच्या पुतळ्याजवळ आंदोलन केले. यावेळी खासदार प्रकाश जावडेकर, राहुल शेवाळे, हेमंत गोडसे, पूनम महाजन, धनंजय महाडिक, गोपाळ शेट्टी, सुधाकर शृंगारे, अशोक नेहते, अनिल बोंडे, साक्षी महाराज आदी खासदार उपस्थित होते.
हेही वाचा:
- बेळगाव : शरद पवारांनी घेतली निवडणुकीची माहिती
- BJP Parliamentary Party meeting | भाजपच्या संसदीय पक्ष बैठकीत ईशान्येतील विजयाबद्दल पीएम मोदींचा सन्मान (Video)
- बीड ; शाळेत बॉम्ब ठेवल्याचा ‘तो’ फोन अन् पोलिस यंत्रणेची धावपळ
The post नाशिक : स्वा. सावरकरांच्या समर्थनार्थ खासदारांचे दिल्लीत आंदोलन appeared first on पुढारी.
