पिंपळनेर (ता.साक्री) : पुढारी वृत्तसेवा
साक्री तालुक्यातील रुनमळी गावात आपल्याविषयी काहीतरी बोलत आहेत. असा संशय आल्यावरून काही जणांनी घरात शिरून इसमास शिवीगाळ करीत बेदम मारहाण केल्याची घटना घडली आहे.
करणसिंग गारू पवार (वय ३६, रा.रूनमळी ता.साक्री) यांनी दिलेल्या फिर्यादीनुसार किशोर महारू पवार याच्याकडे आपल्याविषयी काहीतरी बोलत असल्याचा संशय आला. त्यावरुन दुसऱ्या दिवशी तो महारू कृष्णा पवार, आशाबाई बन्सीलाल मोरे, कविता कन्हैय्या पिंपळे (सर्व रा. रूनमळी) यांचेसह सकाळी ९ वाजता घरात शिरला. त्याने संशयाच्या विषयावरून वाद घालण्यास सुरूवात केली. या वादाचे पर्यवसाण हाणामारीत झाले. यात किशोर पवार याने त्याच्या हातातील लाकडी दांडक्याने डोक्यावर मारहाण केली तर इतर तिघांनी शिवीगाळ करीत जीवे ठार मारण्याची धमकी दिली. या फिर्यादीवरून निजामपूर पोलीस ठाण्यात महारू कृष्णा पवार, आशाबाई बन्सीलाल मोरे, कविता कन्हैय्या पिंपळे या संशयितांविरूध्द गुन्ह्याची नोंद करण्यात आली आहे.
हेही वाचा:
- नंदुरबार : 1914 पासूनच्या पाठपुराव्यामुळे नंदुरबार एफ.एम.रेडिओ केंद्र सुरू: खा. डॉ. हिना गावित
- हिरवा निसर्ग हा भोवतीने…’विथ पूजाची कॉफी’
- AMPC Election 2023 : येवला कृषी उत्पन्न बाजार समिती 98.45 टक्के मतदान
The post पिंपळनेर : संशयावरून घरात शिरून इसमास मारहाण appeared first on पुढारी.