इगतपुरी(जि.नाशिक) : पुढारी वृत्तसेवा– मुंबई आग्रा महामार्गावरील व्हिटीसी फाट्याजवळ सोमवारी(दि.18) १२ वाजेच्या सुमारास मुंबईहुन नाशिककडे जाणाऱ्या एका भरधाव अज्ञात कंटेनरने कार (क्रमांक MH 15 EX 1688) ला कट मारला. त्यामुळे कार पलटी होऊन भीषण अपघात झाला. या अपघातात चार शिक्षक गंभीर जखमी झाले आहेत.
या अपघातात कमलाकर शिंदे, वय ५३, अरुण भामरे, वय ५०, माणिक योगेश सावकारे, अनिल रामभाऊ जाधव, वय ४८ सर्व रा. नाशिक हे प्राथमिक शाळेतील चार शिक्षक गंभीर जखमी झाले. हे सर्वजण इगतपुरी तालुक्यातील वाघेरे केंद्रातील जिल्हा परिषद शाळेचे शिक्षक आहेत. वाघेरे येथुन शाळा सुटल्यावर हे सर्व शिक्षक नाशिकला जात असतांना अपघात झाला. अपघात घडल्याची माहिती समजताच जगद्गुरु नरेंद्राचार्य महाराज संस्थानची मोफत रुग्णवाहिकेचे चालक निवृत्ती गुड यांनी तात्काळ घटनास्थळी धाव घेतली. सर्व जखमी व्यक्तींना पुढील उपचारासाठी नाशिक येथील खासगी दवाखान्यात दाखल करण्यात आले.
नरेंद्राचार्य महाराज संस्थानची मोफत रुग्णवाहिकेच्या सेवेमुळे या शिक्षकांना जीवनदान मिळाले आहे. या अपघातामुळे मागील दोन वर्षांपूर्वी ५ जानेवारी २०२२ ला असाच शिक्षकांच्या कारला भिषण अपघात घडला होता. शिक्षकांच्या कारला अपघात झाल्याची माहिती समजताच या शिक्षकांना पाहण्यासाठी नातेवाईकांसह इतर शिक्षकांनी खाजगी हॉस्पीटल बाहेर एकच गर्दी केली होती.
हेही वाचा :
- नागपुरात अवकाळी पावसाची हजेरी, उद्याही यलो अलर्ट
- ‘शक्ती’ नष्ट करणारे आणि ‘शक्ती’ची पूजा करणाऱ्यांमध्ये खरी लढाई : PM मोदी
- नागपूर : दादोजी कोंडदेव पुरस्कार विजेते क्रीडा प्रशिक्षक संजय काणे यांचे निधन
The post मुंबई आग्रा महामार्गावर शिक्षकांच्या कारला कंटेनरचा कट, चार शिक्षक गंभीर जखमी appeared first on पुढारी.
