जलकुंभावर चढून ‘शोले स्टाईल’ आंदोलन! पाणीपुरवठाबाबत नागरिकांच्या तक्रारी

सिडको (नाशिक) : सिडकोच्या प्रभाग क्रमांक २७, २८ व २९  मधील पाणीपुरवठा काही दिवसांपासून विस्कळीत झाला असून यामुळे नागरिकांना वेळेवर पाणी न मिळणे तसेच कमी दाबाने पाणी मिळणे अशा प्रकारच्या तक्रारी नागरिकांकडून येत आहे.  त्याचे निवारण होत नसल्याचे निषेधार्थ सोमवारी शिवसेनेच्या नगरसेविका किरण गामणे - दराडे व पती बाळा दराडे यांनी नागरिकांसह पाथर्डी फाट्या जवळील जलकुंभावर चढून निषेध नोंदविला.