जळगाव; पुढारी वृत्तसेवा : अत्यंत चुरशीच्या झालेल्या जळगाव जिल्हा दूध संघाच्या निवडणुकीत एकनाथ खडसे यांना मोठा धक्का बसला आहे. त्यांचा गड असलेल्या या दूध संघाला सुरुंग लागला असून भाजप-शिंदे गटाने दूध संघावर विजय मिळवला आहे. या विजयानंतर कार्यकर्त्यांनी डीजेवर ‘आमचा नेता पावरफुल’ गाणे वाजवून जल्लोष केला. यावेळी मंत्री गिरीश महाजन आणि पालकमंत्री गुलाबराव पाटील यांनीही डीजेच्या तालावर ठेका धरला.
जळगाव जिल्हा दूध संघाच्या निवडणुकीत गिरीश महाजन व गुलाबराव पाटील यांच्या नेतृत्वातील शेतकरी पॅनलने घवघवीत यश मिळवलं. दूध संघात मिळवलेल्या यशानंतर महाजन समर्थकांनी एकच जल्लोष केला. गिरीश महाजन यांना खांद्यावर घेऊन कार्यकर्ते नाचले.
गिरीश महाजन यांच्यासोबत भाजपा आमदार मंगेश चव्हाण व त्यांच्या वडिलांना देखील कार्यकर्त्यांनी खांद्यावर घेत जल्लोष साजरा केला. शेतकरी विकास पॅनलच्या नेत्यांनी गाण्यावर ठेका धरून आपला आनंद साजरा केला. ना. गिरीश महाजन, ना. गुलाबराव पाटील, आ. मंगेश चव्हाण, आ. चिमणराव पाटील, संजय पवार आदींसह उपस्थितांनी नृत्य करून वातावरणात रंग भरला. यावेळी कार्यकर्त्यांनी गुलाल उधळून जल्लोष केला.
महाराष्ट्राचा अपमान करणारे राज्यपाल मोदींच्या व्यासपीठावर कसे? : उद्धव ठाकरे https://t.co/cIVTjH11qr #UddhavThackeray #PMModi #SamruddhiMahamarg #SamruddhiExpressWay #EknathShinde #bhagatsinghkoshyari #shivsena #BJP #Nagpur #NagpurMetro #NagpurMumbaiExpressway #pudharionline
— Pudhari (@pudharionline) December 11, 2022
हेही वाचा
- जालना: धुळे-सोलापूर महामार्गावर ट्रक-दुचाकी धडकेत एक ठार, एक गंभीर जखमी
- खेड शिवापूर येथे २ तास टोल बंद आंदोलन, रिपाइंच्या आंदोलनात महाविकास आघाडी सहभागी
- नाशिक : राज्यात 3,110 तलाठ्यांची भरती
The post जळगाव : खडसेंच्या पराभवानंतर 'या' गाण्यावर विरोधकांचा जल्लोष appeared first on पुढारी.