सायगाव (जि. नाशिक) : थकबाकीदार शेतकऱ्यांना महाराष्ट्र शासनाने दोन लाखापर्यंत कर्जमाफी देऊन सहा महिने झाले. पण, अद्यापही दोन लाखावरील थकबाकीदार शेतकऱ्यांना कर्जमाफी मिळाली नसल्याने या शेतकऱ्यांच्या अडचणीत मोठी वाढ झाली आहे. 

महाविकास आघाडी सरकारने दोन लाखापर्यंत कर्जमाफी दिल्यानंतर तिचा मोठा लाभ होऊन अनेक शेतकरी कर्जमुक्त झाले. पण, अनेक वर्षापासून कर्जाने ग्रासलेल्या दोन लाखावरील थोडेच शेतकरी कर्जमाफीपासून वंचित आहे. शासनाने दोन लाखावरील शेतकऱ्यांना कर्जमाफीचे आश्‍वासन दिले पण, अद्यापही कार्यवाही होत नसल्याने इतर पैसे मिळविण्याचे स्त्रोत बंद झाल्याने या शेतकऱ्यांना व्याजाने पैसे काढून शेतीसाठी वापरावे लागत आहे. यंदा जास्त पावसाने सर्वच पिकांचे मोठे नुकसान झाले. वाढलेला उत्पादन खर्च लक्षात घेता हातात काहीच राहिले नसल्याने मोठ्या विवंचनेत हे शेतकरी सापडले आहे. त्यामुळे दोन लाखांवर कर्ज असणाऱ्या शेतकऱ्यांना त्वरित कर्जमाफी करुन कर्जमुक्त करावे, अशी मागणी शेतकरी संघटनेचे युवक आवाडीचे तालुकाध्यक्ष अरुण जाधव व शेतकऱ्यांनी मुख्यमंत्र्यांना ई - मेलद्वारे निवेदन देऊन केली आहे. 

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

कधी दुष्काळ तर कधी अवकाळीमुळे शेतकरी अनेक वर्षांपासून थकबाकीदार आहे. दोन लाखापर्यंत कर्ज असणाऱ्या शेतकऱ्यांना कर्जमाफी मिळाली. पण, दोन लाखांवरील कर्ज असणारे शेतकरी अजूनही कर्जमाफीच्या प्रतिक्षेत आहे. त्यांचे मोठे हाल होत आहे. तरी शासनाने त्यांना त्वरित कर्जमाफी देऊन कर्जमुक्त करावे. 
- सुनील देशमुख, माजी सरपंच, सायगाव 

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

नाशिक : राज्य शासनाच्या परिवहन विभागाकडून परिवहन परवाना प्राप्त न झाल्याने शहर बससेवेसाठी निश्‍चित केलेला प्रजासत्ताक दिनाचा मुहूर्त पुढे ढकलण्याची वेळ महापालिका प्रशासनावर आली. राज्यात शिवसेनेकडे असलेल्या या खात्याकडून परवाना न मिळाल्याने विकासाला ‘खो’ घातला जात असल्याचा भाजपच्या आरोपांवर यानिमित्त शिक्कामोर्तब झाले आहे. 

प्रजासत्ताक दिनाचा होता मुहूर्त 

राज्य परिवहन महामंडळातर्फे शहरात सुरू असलेली बससेवा महापालिकेने चालविण्याचा निर्णय घेतला. २०१८ मध्ये तत्कालीन मुख्यमंत्री देवेंद्र फडणवीस यांनी महापालिकेला बससेवा सुरू करण्याच्या सूचना दिल्या होत्या. त्यानुसार महापालिकेने सेवा सुरू करण्यासाठी विशेष प्रयत्न केले. पहिल्या टप्प्यात ६०० बस चालविण्याचे नियोजन होते. मात्र, तोटा अधिक वाढत असल्याने ‘ग्रॉस कॉस्ट कटिंग’ या तत्त्वानुसार ४०० बस सुरू करण्याचा निर्णय घेतला. मात्र, प्रवाशांचा प्रतिसाद व महापालिकेला होणारा तोटा लक्षात घेऊन पहिल्या टप्प्यात २५० बस सुरू करण्याचे नियोजन करण्यात आले. बससेवेसाठी महापालिकेचे इन्फ्रास्ट्रक्चर राहणार असून, बस पुरविण्यासाठी ठेकेदार कंपन्यांची नियुक्ती, ऑपरेटर, चालक व वाहकांची नियुक्ती महापालिका करणार आहे. तिकीट वसुली ठेकेदारमार्फत होणार असून, किलोमीटरमागे बस ऑपरेटर कंपन्यांना ठरविक रक्कम अदा केली जाणार आहे. १०० सीएनजी, १०० डिझेल, तर ५० इलेक्ट्रॉनिक बस चालविण्याचे नियोजन केले होते. बससेवा सुरू करण्यासाठी प्रजासत्ताक दिनाचा मुहूर्त निश्‍चित केला होता. आयुक्त कैलास जाधव यांनी तशी घोषणाही केली होती. त्यामुळे सक्षम सार्वजनिक वाहतूक व्यवस्थेच्या स्वागतासाठी नाशिककर सज्ज झाले होते. मात्र, राज्य शासनाच्या परिवहन विभागाकडून परिवहन परवाना आवश्‍यक असतो. अद्यापपर्यंत तो प्राप्त न झाल्याने सेवा पुढे ढकलण्यात आली आहे. 

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

भाजपच्या हाती कोलीत 

शहरात दोन उड्डाणपूल व विकासकामे मार्गी लावण्यासाठी ३०० कोटी रुपयांचे कर्ज काढण्यावरून वाद सुरू आहे. भाजपने शिवसेनेकडून विकासकामांमध्ये अडथळा निर्माण केला जात असल्याचा आरोप केला आहे. महाविकास आघाडीत शिवसेनेच्या वाट्याला परिवहन खाते आले आहे. परिवहन परवाना या विभागातर्फे दिला जातो. तीनदा स्मरणपत्रे देऊनही परवाना मिळत नसल्याने शिवसेनेकडून विकासात अडथळा आणला जात असल्याच्या भाजपच्या आरोपाला पुष्टी मिळत असल्याचे बोलले जात असून, भाजपच्या हाती शिवसेनेने आयते कोलीत दिल्याने येत्या काळात बससेवेवरून भाजप शिवसेनेला घेरणार असल्याचे स्पष्ट झाले आहे. 

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

परिवहन विभागाचे स्मरणपत्रांकडे दुर्लक्ष 

राज्यात महाविकास आघाडीत शिवसेनेकडे परिवहन खाते आहे. बससेवा सुरू करण्यासाठी परिवहन विभागाकडून परिवहन परमीट आवश्यक असते. त्यासाठी महापालिकेने राज्याच्या परिवहन विभागाला फेब्रुवारी २०२० मध्ये पत्र पाठवून परिवहन परमीटची मागणी केली. महापालिकेने यासंदर्भात परिवहन सचिवांना तीन वेळा स्मरणपत्रे पाठविली. आयुक्त कैलास जाधव यांनी स्वत: परिवहन सचिवांशी चर्चा केली. तरीही त्याकडेही दुर्लक्ष झाल्याने बससेवा अनिश्चित काळासाठी आता पुढे ढकलली गेली आहे. 

पिंपळगाव बसवंत (जि. नाशिक) : खवय्यांच्या जिभेवर अवीट गोडी पेरण्यासाठी निफाड, दिंडोरी, चांदवड तालुक्यातील मधाळ द्राक्ष हंगामाचा पडदा बाजूला सरकला आहे. अवकाळी पाऊस स्थानिक द्राक्षांना दणका दिला तर पराज्यात थंडी, धुके यामुळे यंदा १५ दिवस उशिराने द्राक्ष हंगामाला सुरवात झाली आहे. सरासरी ३५ रुपये किलोने द्राक्षांचे सौदे होत असून, दरातही अद्याप गोडवा आलेला नाही. १० फेब्रुवारीनंतर द्राक्ष हंगाम जोरात सुरू होणार आहे. 

मकरसंक्रांतीनंतर पिंपळगाव परिसरातील द्राक्ष हंगामाला गोडवा येतो. यंदा, मात्र प्रतिकूल हवामानाने द्राक्ष उत्पादकांची कसोटी पाहिली. थंडी व नंतर अवकाळी पावसाने द्राक्ष हंगामाची रया जाते की काय, अशी स्थिती होती. या आव्हानात्मक परिस्थितीला तोंड देत शेतकऱ्यांनी दर्जेदार द्राक्ष पिकविली. द्राक्षावर भुरी, घडकूज, डाउनी या रोगांशी झुंज देत शेतकऱ्यांनी निर्यातक्षम द्राक्षे पिकविली आहेत. यासाठी दिवसाला दोन-दोन औषध फवारण्या केल्या. सध्या ऑगस्ट व ऑक्टोबरच्या पहिल्या आठवड्यात छाटणी झालेल्या बागांमध्ये द्राक्षमण्यांत साखर उतरून परिपक्व झाली आहेत. मधाळ द्राक्षे लगडली आहेत. द्राक्ष खरेदीसाठी परप्रांतीय व्यापारी दाखल होत आहेत. 

दररोज दोन हजार टन द्राक्षे परराज्यात 

पिंपळगाव बसवंत येथून ५० ट्रकमधून दिल्ली, कानपूर, जयपूर, लखनऊ, गोरखपूर, पश्‍चि‍म बंगाल, सिलीगुडी आदींसह देशभरात द्राक्षे पोचत आहेत. यासह उगाव, वडनेरभैरव, मोहाडी, खेडगावमधून ५० ट्रक रवाना होत आहेत. दररोज सुमारे दोन हजार टन द्राक्षे नाशिक जिल्ह्यातून परराज्यात पोचत आहेत. थॉमसन व सफेद वाणाच्या द्राक्षाला सरासरी ३५, तर रंगीत द्राक्षांचे ४० ते ६० रुपये प्रतिकिलोने सौदे होत आहेत. परराज्यातील मुख्य बाजारपेठा असलेल्या शहरांमध्ये थंडी व धुक्याचा कहर सुरू आहे. त्यामुळे द्राक्षांची मागणी अद्याप वाढलेली नाही. थंडी जाऊन तापमान वाढताच द्राक्ष दर वधारतील. हंगामाचा श्रीगणेशा झाल्याने द्राक्षनगरी मात्र गजबजू लागली आहे. 

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

व्यापाऱ्यांची प्रतीक्षा 

जिल्ह्यात अद्याप द्राक्ष हंगामाने गती घेतलेली नाही. फेब्रुवारीच्या पहिल्या आठवड्यात हंगाम भरात येईल. नाशिक जिल्ह्यातील शेतकऱ्यांना परप्रांतीय व्यापाऱ्यांची प्रतीक्षा आहे. दर वर्षी डिसेंबरच्या शेवटच्या आठवड्यात सुरू होणारा हंगाम प्रतिकूल वातावरणामुळे लांबला. पावसाचे विघ्न दूर झाल्यानंतर एकाच वेळी द्राक्षबागांची छाटणी झाली. त्यामुळे एकाच वेळी बंपर पीक काढणीला येऊ शकते. 

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

गेल्या वर्षी कोरोनामुळे लॉकडाउन झाले. परिणामी, शेतकऱ्यांना मातीमोल दरात द्राक्षे विकावी लागली. यंदाचे वर्षही शेतकऱ्यांची कसोटी पाहणारे ठरले. अवकाळी पावसाने औषध फवारणीचा खर्च दुपटीने वाढला. पन्नास रुपये किलोच्या पुढे स्थानिक बाजारपेठेत द्राक्षे विकली गेली, तर दोन पैसे शेतकऱ्यांना मिळू शकतील. 
-माधवराव ढोमसे, द्राक्ष उत्पादक 

अजून परराज्यात थंडी असल्याने द्राक्षाला मागणी नाही. आतापर्यंत पाठविलेल्या द्राक्षांतून व्यापाऱ्यांचे नुकसान झाले आहे. तापमान वाढताच द्राक्षाला मागणी वाढून दरही वधारतील. 
-इर्शाद अली, द्राक्ष व्यापारी  

नाशिक : दक्षिण भारताला हवाई सेवेने जोडणाऱ्या नाशिक-बेळगाव विमानसेवेला आज हिरवा कंदील दाखविण्यात आला. पालकमंत्री छगन भुजबळ यांनी व्यवसाय, पर्यटनाच्या दृष्टीने हवाई सेवा महत्वाची ठरणार असल्याचे यावेळी सांगितले. 

बेंगलुरूच्या स्टार एअर कंपनीच्या वतीने दुसऱ्या वर्धापन दिनाचे निमित्त साधून उडान योजनेंतर्गत सेवा सुरु करण्यात आली आहे. बेंगुलुरु पाठोपाठ दक्षिण भारताला जोडणारी दुसरी सेवा बेळगावच्या माध्यमातून सुरु झाल्याने नाशिकच्या विकासाला चालना मिळणार आहे. खासदार हेमंत गोडसे, डॉ. भारती पवार, स्टार ग्रुपचे संजय घोडावत, स्टार एअरचे सीईओ सिमरनसिंग तिवाना, मनिष रावल आदी यावेळी उपस्थित होते.

विमानसेवेमुळे प्रादेशिक कनेक्टिव्हीटी वाढेल

यावेळी बोलताना भुजबळ म्हणाले,  उद्योग-व्यवसाय, धार्मिक पर्यटनाच्या दृष्टीने नाशिकचे महत्व वाढतं आहे. त्यामुळे बेळगावसह कोल्हापूर, गोवा या महत्वाच्या शहरांसाठी सेवा महत्वाची ठरेल. स्टार एअरच्या उड्डाण सेवेमुळे नाशिक, शिर्डीला पोहोचणे सोईचे होणार आहे. दीड तासांच्या अंतरात कोल्हापूर, गोवा व हुबळीला भेट देणे शक्य झाले आहे. विमानसेवेमुळे प्रादेशिक कनेक्टिव्हीटी वाढेल. स्टार एअरचे संचालक श्रेणिक घोडावत म्हणाले, नव्या विमानसेवेमुळे बेळगाव येथील व्यापार-उदीम व पर्यटन वाढीला चालना मिळेल. घोडावत ग्रुपचे अध्यक्ष संजय घोडावत म्हणाले, दिल्ली-मुंबई इंडस्ट्रियल कॉरिडॉर मध्ये नाशिकचे स्थान अत्यंत महत्वाचे आहे. त्यामुळे विमानसेवेमुळे औद्योगिकतेला चालना मिळेल. स्टार एअरचे सीईओ सिमरनसिंग तिवाना म्हणाले, आर्टिफिशियल इंटेलिजन्स आधारित व्हॉट्सॲप चॅटबोट सेवेची सुरुवात होत असताना या माध्यमातून प्रवाशांना तत्काळ सेवा उपलब्ध होणार आहे. 

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

अशी असेल सेवा 

नाशिक ते बेळगाव दरम्यान सोमवार, शुक्रवार व रविवार असे तीन दिवस ओझर विमानतळावरून हवाई सेवा असेल. प्रारंभी सवलतीच्या १,९९९ या सवलतीच्या दरात सेवा उपलब्ध करून देण्यात आली आहे. स्टार एअर च्या अहमदाबाद, अजमेर (किशनगड), बेळगाव, बेंगळुरू, दिल्ली (हिंडन), हुबळी, तिरुपती, इंदूर, कलबुर्गी, मुंबई व सुरत अशा दहा शहरांसाठी उड्डाण होते. गेल्या दोन वर्षात एक लाख साठ हजार प्रवाशांना सेवेचा लाभ घेतला आहे. 

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

नाशिक : जिल्ह्यात उद्या मंगळवार (ता.26) प्रजासत्ताकदिनापासून प्रशासकीय कामकाजासाठी महसूल यंत्रणतर्फे ई ऑफीस प्रणाली सुरु होणार आहे. त्यात, पहिल्या टप्प्यात प्रमुख विभागाचे कामकाज ऑनलाईन होईल. त्यामुळे कुठल्या टेबलावर फाईल अडून राहील हे वरिष्ठांच्या लक्षात येउन त्वरीत त्या अडवणूकीवर कार्यवाही करणे सोपे होणार आहे. पारदर्शकता व कालमर्यादेत कामाला गती येणार आहे.

शासकीय कार्यालयात नागरिकांना चकरा माराव्या लागू नये यासाठी ऑनलाईन ई ऑफीस कार्यालय ही प्रणाली आहे. त्यानुसार कार्यालयातील प्रत्येक फाईल ऑनलाईन नोंद होउन सगळ्या कागदपत्रांचे स्कॅनींग होउन त्या त्या विभागाला पाठविली जाईल. त्यामुळे कुठल्या विभागाकडे किती प्रकरण प्रलंबित आहे. याचे स्पष्ट होणार आहे. त्यानुसार त्या त्या विभागाकडे प्रलंबित प्रकरणाचा पाठपुरावा करता येणार आहे. विभागप्रमुखांना त्याविषयी लागलीच कल्पना येणार आहे. फायली अडवणूकीचे प्रकार टाळण्यास मदत ठरणारी ही प्रणाली उद्यापासून सुरु होणार आहे.

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

नाशिक मित्र पोर्टल

नाशिक मित्र हे आणखी एक पोर्टल सुरु होईल. नाशिक जिल्ह्याच्या संकेतस्थळावरुन त्यावर जाता येणार आहे. राज्यात सध्या सेवा हमी कायद्यार्तंगत 20 सेवा दिल्या जातात. मात्र, नाशिकला 20 जानेवारी 2019 पासून 81 सेवा डिजीटल स्वरुपात दिल्या जातात. राज्य शासनाने 20 सेवांची हमी दिली असतांना, जिल्ह्यात वर्षापासून 81 सेवांची हमी दिली आहे. विशेष म्हणजे नाशिक जिल्ह्याच्या या सेवा हमी उपक्रमाचे राज्याचे सेवा हक्क आयुक्त स्वाधीन क्षत्रीय यांनी गौरव केला आहे. त्यात उद्यापासून आणखी 5 सेवांची वाढ करुन 86 सेवा डिजीटल स्वरुपात दिल्या जाणार आहे. त्यामुळे ऑनलाईन अर्जाद्वारे नागरिकांना या सेवा मिळविता येणार आहे.

नागरिकांना ऑनलाईन दाद मागण्याची सेवा सोय आहे.तसेच सेवा देण्यास दिरंगाई केल्यास संबधिताला दंडाची तरतूद आहे. सध्याची प्रणाली ऑफलाईन आहे. जी उद्या प्रजासत्ताकदिनापासून ऑनलाईन पध्दतीने 86 सेवा डिजीटल स्वरुपात दिल्या जातील कोरोना काळात प्रवासाला परवानगी देणारे ई पास याच प्रणालीद्वारे दिले जात.

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

नाशिक : नाशिक मध्ये ९४ वे अखिल भारतीय मराठी साहित्य संमेलन होत आहे. ही नाशिकरांसाठी अत्यंत आनंदाची बाब आहे. त्यामुळे हे साहित्य संमेलन यशस्वी करणे आणि नाशिकची वेगळी ओळख निर्माण करणे ही आपली सर्वांची सामुहिक जबाबदारी असून हे साहित्य संमेलन उजवं कसं होईल यासाठी प्रयत्न करावे असे आवाहन स्वागताध्यक्ष तथा राज्याचे अन्न, नागरी पुरवठा व ग्राहक संरक्षण मंत्री व नाशिकचे पालकमंत्री छगन भुजबळ यांनी नियोजन समिती व नाशिककरांना केले आहे. 

सूक्ष्म नियोजन करण्याची आवश्यकता

यावेळी छगन भुजबळ म्हणाले की, नाशिक मध्ये होत असलेले साहित्य संमेलन हे आनंददायी वातावरणात पार पडले पाहिजे. नाशिकच सांस्कृतिक, सामाजिक वैभव या निमित्ताने जगासमोर गेले पाहिजे. संमेलन पार पडत असतांना नाशिकमध्ये येणाऱ्या प्रत्येकाचे आदरपूर्वक सन्मान राखला गेला पाहिजे. नाशिककर म्हणून स्वागतात कुठलीही कमतरता पडणार नाही असे सूक्ष्म नियोजन करण्याची आवश्यकता आहे. या संमेलनासाठी शासन स्तरावरून आवश्यक ते सहकार्य करण्यात येईल. त्यात कुठलीही कमतरता राहणार नाही. तसेच नाशिककरांकडून देखील नक्कीच सहकार्य मिळेल यात कुठलीच शंका नाही असे त्यांनी सांगितले.

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

 जिल्ह्यातील नामवंतांचा सन्मान व्हावा

ते म्हणाले की, हे साहित्य संमेलन पार पडत असतांना नाशिकचे महापौर, जिल्हा प्रशासन यांच्यासोबत महत्वाच्या व्यक्तींना सामावून घेऊन योग्य ते नियोजन करण्यात यावे. तसेच नाशिक शहर व जिल्ह्यातील साहित्य, सामाजिक, सांस्कृतिक क्षेत्रातील नामंवत व्यक्तींना सामावून घ्यावे तसेच प्रत्येक व्यक्तिंचा सन्मान राखला जावा अशा सूचना त्यांनी यावेळी केल्या. नाशिकमध्ये होत असलेल्या ९४ व्या अखिल भारतीय मराठी साहित्य संमेलनाच्या नियोजनाच्या पार्श्वभूमीवर आज साहित्य संमेलनाचे स्वागताध्यक्ष राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ यांनी जिल्हाधिकारी सुरज मांढरे, पोलीस आयुक्त दीपक पांडेय यांच्या प्रमुख उपस्थितीत नाशिक येथील संपर्क कार्यालयात बैठक घेतली. त्यावेळी ते बोलत होते.

या बैठकीला माजी आमदार हेमंत टकले, माजी खासदार समीर भुजबळ, माजी आमदार पंकज भुजबळ, शहराध्यक्ष रंजन ठाकरे, लोकहितवादी मंडळाचे जयप्रकाश जातेगावकर, अॅड. विलास लोणारी, डॉ. कैलास कमोद, संजय करंजकर, शंकर बोऱ्हाडे, सुभाष पाटील, गिरीश साळवे, मुकुंद कुलकर्णी आदी उपस्थित होते.

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

लखमापूर(नाशिक) : दिंडोरीप्रणीत श्री स्वामी समर्थ सेवामार्गाच्या कृषिशास्त्र विभाग, कृषी विकास व संशोधन चॅरिटेबल ट्रस्टतर्फे २२ जानेवारीपासून संपूर्ण महाराष्ट्रासह परदेशात उत्साहपूर्ण वातावरणात जागतिक कृषी महोत्सवास प्रारंभ झाला. रविवारी (ता. २४) नांदगाव तालुक्यातील वडगाव पंगू येथील शेतकऱ्यांच्या बांधावर कृषी महोत्सव पार पडला. या वेळी तज्ज्ञांकडून शेतकऱ्यांना विविध माहिती देण्यात आली. या महोत्सवाला उत्स्फूर्त प्रतिसाद मिळाल्याचे आयोजकांनी सांगितले. 

दिंडोरीप्रणीत श्री स्वामी समर्थ सेवामार्गाचे प्रमुख गुरुमाउली अण्णासाहेब मोरे यांच्या हस्ते मातीचे पूजन करून कृषी महोत्सवास सुरवात झाली. पहिल्याच दिवशी महाराष्ट्रात १०० पेक्षाही अधिक ठिकाणी थेट शेताच्या बांधावर कृषी महोत्सवाचे आयोजन करण्यात आले. दर वर्षी नाशिक येथे होणाऱ्या जागतिक कृषी महोत्सवात लाखो शेतकरी सहभागी होतात; परंतु यंदाच्या वर्षी कोरोनाच्या संकटामुळे नाशिक येथे कृषी महोत्सव न घेता थेट गावागावांत बांधावर घेण्याचे नियोजन करण्यात आले. यामध्ये महाराष्ट्रातून हजारो तरुण सेवेकऱ्यांनी स्वयंप्रेरणेने आयोजक आबासाहेब मोरे यांच्या मार्गदर्शनातून अनोखी क्रांतीच घडविली. रविवारी नांदगाव तालुक्यातील वडगाव पंगू येथे कृषी महोत्सव आयोजित करण्यात आला होता. या वेळी शेतकऱ्यांना नैसर्गिक शेतीतून स्वावलंबी शेतकरी, भाजीपाल्यातून आर्थिक समृद्धी, भारतीय गायींचे संवर्धन व संगोपन, आध्यात्मिक/प्राचीन शेती, कृषी जोड व प्रक्रिया उद्योग, विषमुक्त परसबाग, देशी बीज संवर्धन अशा विविध विषयांवर तज्ज्ञांचे मार्गदर्शन लाभले. 

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

सोशल डिस्टन्सिंगचे पालन... 

कोरोनासंदर्भातील अडचणी लक्षात घेऊन या कृषी महोत्सवात सोशल डिस्टन्सिंगचे तंतोतत पालन करण्यात आले होते. तोंडाला मास्क लावणे, योग्य प्रकारे सॅनिटायझरचा वापर करणे आदी बाबींचा गांभिर्याने विचार करण्यात आला होता. 

असे आहे नियोजन 

१० ते १५ गावांतील शेतकऱ्यांनी एकत्र येऊन कोणत्याही एका शेताच्या बांधावर कृषी महोत्सवातील शक्य असणाऱ्या उपक्रमांचे सकाळी दहा ते सायंकाळी पाच या वेळेत आयोजन केले आहे. स्थानिक ठिकाणी होणाऱ्या पिकांनुसार व शेतीस आवश्यक साहित्यानिहाय कंपन्यांनादेखील विविध ठिकाणी सहभाग घेता येईल. एकदिवसीय कृषी महोत्सवामुळे दिवसभरात शेतकरी सोयीच्या वेळेनुसार सहभागी होतील. तसेच कृषितज्ज्ञांचे चर्चासत्र व शेतकरी वधू-वर परिचय मेळाव्याचे ऑनलाइन नियोजन केल्याने गर्दीदेखील होणार नाही. 

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

कृषिमाउली सत्कार... 

या महोत्सवात नैसर्गिक शेती, देशी बियाणे, गो-सेवा, गो-संवर्धन, दुग्धव्यवसाय, कृषी जोडव्यवसाय, विविध माध्यमांमधून शेतकरी विकासाचे लिखाण, कृषी शासकीय सेवा अशा विविध विषयांमध्ये आदर्श कार्य करणाऱ्या व्यक्ती, संस्थांचा कृषिमाउली सन्मानाने गौरव करण्यात येणार आहे.  

कुंदेवाडी (नाशिक) : "सर, मला खूप आवडतात. मी सरांसोबत लग्न करण्यासाठी पळून जात आहे.'' सातवीत शिकणाऱ्या मुलीच्या खोलीत सापडलेल्या या चिठ्ठीने कुटुंबियांच्या पायाखालची जमीनच सरकली. सगळीकडे सुरु झाला शोधा शोध अन् नंतर...वाचा नेमके काय घडेल?

अशी आहे घटना

पोलिसांत केलेल्या तक्रारीत म्हटले आहे की, कुंदेवाडी येथे सातवीच्या वर्गात मुलगी शिकत आहे. पंकज श्याम साळवे (वय २३, रा. कुंदेवाडी, ता. निफाड) याच्याकडे ही मुलगी दुसरीत असल्यापासून शिकवणीला जात होती. मुलीच्या खोलीत शुक्रवारी तिच्या हस्ताक्षरात एक चिठ्ठी आढळली. "सर, मला खूप आवडतात. मी सरांसोबत लग्न करण्यासाठी पळून जात आहे.'' असे त्या चिठ्ठीत नमूद केलेले होते. खात्री करण्यासाठी मुलीचे कुटुंब साळवेच्या घरी गेले, तेव्हा त्याच्या घराला कुलूप असल्याचे लक्षात आल्याचे मुलीच्या आईने फिर्यादीत म्हंटले आहे.

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

बेपत्ता झालेली मुलगी अल्पवयीन असून, साळवे एका शाळेत हंगामी शिक्षक आहे. तो देवपूर परिसरात दोनतीन ठिकाणी शिकवण्या घेतो. मुलीच्या आईने दिलेल्या तक्रारीवरुन साळवेंवर गुन्हा दाखल करण्यात आला आहे.

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

नाशिक रोड : हलके, टिकाऊ आणि वैशिष्ट्यपूर्ण असे वीस रुपयांचे नाणे बाजारात आले आहे. मात्र त्याला कोणी स्वीकारत नसल्याने नागरिकांनी वीस रुपयांच्या नाण्याकडे पाठ फिरविली आहे. 

दहा वर्षांपूर्वी दहाचे नाणे बाजारात आणल्यानंतर सरकारने वीसचे नाणे बाजारात आणले. मुंबई, कोलकता, नोएडा, हैदराबादच्या टाकसाळीत नाणी तयार होतात. मुंबई टाकसाळेने वीसची नाणी तयार केली असून, ती रिझर्व्ह बॅंकेला चलनात आणण्यासाठी सुपूर्द केली आहेत. वीसच्या नोटेनंतर वीसचे नाणे चलनात आणण्याचे सरकारने मार्च २०२० मध्ये घोषित केले होते. लॉकडाउनमुळे त्याला विलंब झाला. मात्र आता नाशिकला स्टेट बॅंकेसह अन्य बॅंकांत ही नाणी दाखल झाली आहेत. परंतु अनेक दिवस होऊनही त्यांना मागणीच नाही. टोलनाका, मोठे व्यापारी, किराणा दुकानदार, मेडिकल दुकानदार यांना बॅंका नाणी कटवत आहेत. 

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

अशी आहेत नाणी 

पाच व दहाच्या नाण्यापेक्षा किंमत जास्त असूनही ती हलकी आहेत. ही नाणी ८.५४ ग्रॅमची असून, बारा कोनांची आहेत. व्यास २७ मिमी आहे. नाण्याची कडा निकेलची, तर मध्य हा तांब्याचा आहे. झिंकचाही वापर केला आहे. ६५ टक्के तांबे, १५ टक्के झिंक, २० टक्के निकेलचा यात वापर केला आहे. सुटी नाणी मिळत नसल्याने पूर्वी वाद होत असे. आता नाण्यांचा पाऊस पडू लागल्याने त्यांची विल्हेवाट लावायची कशी, असा प्रश्न सर्वांनाच पडला आहे. बाजारातून पन्नासचे नाणे गायब झाले आहे. सध्या एक, दोन तसेच पाच आणि दहाची नाणी आहेत. तेवढ्याच किमतीच्या नोटाही आहेत. नोटांचे वजन कमी, तर नाण्यांचे वजन जास्त असल्यानेळे खिसा जड होतो. त्यामुळे नाण्यांना मागणी कमी आहे. बॅंकांकडे दहा व पाचच्या नाण्यांची रास लागली आहे. त्यात आता वीसची भर पडली आहे. 

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच

२० हजारांची घ्यावी लागते चिल्लर 

चिल्लरसाठी जागा नसल्याने दिवसाला एका ग्राहकाकडून शंभर रुपयांपर्यंतच चिल्लर काही बॅँका स्वीकारत आहेत. बॅंकेत खाते आहे तेथेच चिल्लर जमा करण्याचा सल्ला काही बॅंका देतात. बॅंका ग्राहकांना मुबलक चिल्लर उपलब्ध करत आहे. किमान ५० हजार व त्याच्या पटीत चिल्लरसाठी आग्रह धरतात. दोन रुपयांच्या नाण्यांची पाचशेची, पाच रुपयांच्या नाण्यांची साडेबारा, तर दहा रुपयांच्या नाण्यांची वीस हजाराची बॅॅग घ्यावी लागते.  

म्हसरूळ (नाशिक) : दोन दिवसांपूर्वी मखमलाबाद रोडकडे जाणाऱ्या पवार मळा येथील कच्चा रस्त्यालगतच्या नाल्याजवळ महिलेचा मृतदेह आढळून आला होता. तपासात या महिलेचा खून एका रिक्षाचालकाने केल्याचे उघड झाले आहे. वाचा का केली त्या रिक्षाचालकाने त्या गर्भवतीची हत्या?

अशी आहे घटना

पोलिसांनी तपासाचे अनुषंगाने सहाय्यक निरीक्षक शिवाजी अहिरे, सदाशिव भडीकर, सुधीर पाटील, उपनिरीक्षक मयूर पवार यांचे पथके तयार करून तपास सुरू केला. घटनास्थळापासून जवळील बांधकाम साईटवरील वॉचमनकडे तपास केला असता, त्यांने काळ्या रंगाच्या रिक्षात एक संशयित व महिला जोरजोरात भांडण करत होते. थोड्या वेळानंतर ती रिक्षा जोरात तेथून निघून गेल्याचे सांगितले. त्यानुसार पथकाने संशयिताच्या शोधासाठी तपास सुरू केला. मृत पूजा आखाडे यांच्या घरी जाऊन तपास केला असता, मुलगा साई विनोद आखाडे (वय ४) याने आई पूजा सागर भास्करबरोबर रिक्षाने जात असल्याचे सांगितले. या माहितीवरून पोलिसांनी सागरचे घर गाठले. परंतु तो घरी मिळून आला नाही. रिक्षामालक मणियार यांनी रिक्षाचालकाचे नाव आदेश ऊर्फ सागर दिलीप भास्कर (रा. मोरे मळा, पंचवटी) असे सांगितले. सागरबाबत त्याच्या मोबाईलचे लोकेशनवरून तो कडोदा (जि. सुरत, गुजरात) येथे असल्याचे कळाले. त्यानुसार पथक रवाना झाले. परंतु सागर नाशिककडे आल्याचे समजले. दरम्यान, संशयित आदेश ऊर्फ सागर दिलीप भास्कर हा मखमलाबाद रोड येथे आल्याची माहिती मिळताच त्याला ताब्यात घेतले. 

हेही वाचा >  ‘कोब्रा-घोणस’च्या लढाईचा थरार! मांजराने केली मध्यस्थी; पाहा VIDEO

याच कारणास्तव खून केल्याची कबुली 

संशयित सागर व मृत पूजा यांची ओळख होती. पूजा आखाडे या नेहमी संशयित सागरच्या रिक्षातून प्रवास करत. संशयित सागरने तिच्याकडून ८० हजार रुपये उसनवार घेतले होते. त्या पैशांची मागणी ती वारंवार करू लागली होती. याच कारणास्तव खून केल्याची कबुली दिली. त्यानुसार त्याला अटक केली आहे. त्याच्यावर यापूर्वी देखील गुन्हे दाखल आहेत. ही कामगिरी पोलिस आयुक्त दीपक पांडे, उपाआयुक्त अमोल तांबे, सहाय्यक आयुक्त प्रदीप जाधव यांच्या मार्गदर्शनाखाली वरिष्ठ निरीक्षक पंढरीनाथ ढोकणे, सहाय्यक निरीक्षक सदाशिव भडीकर, शिवाजी अहिरे, सुधीर पाटील, उपनिरीक्षक मयूर पवार, शेवरे, रहेरे, चव्हाण, गुंबाडे व राठोड यांनी केली.

हेही वाचा > ''माझ्या बायकोला आधी वाचवा हो'', रक्ताच्या थारोळ्यात पडलेल्या नवऱ्याचा आक्रोश; दुर्देवी घटना