इगतपुरी (जि. नाशिक) : पुढारी वृत्तसेवा; मुंबई नाशिक महामार्गावरील जुन्या कसारा घाटात मध्यरात्रीच्या सुमारास तीनशे फुट खोल दरीत आयशर कोसळल्याने दोन जणांचा जागीच मृत्यू झाला आहे. (Nashik News)
गुरुवार (दि. १९) कसारा घाटातील हिवाळा ब्रीजजवळ मध्यरात्रीच्या सुमारास ही घटना घडली. आयशर थेट संरक्षक भिंतीचे कठडे तोडून ३०० फुट खोल दरीत कोसळला. घटनेत दोन जण जागीच ठार झाले. अपघाताची माहिती मिळताच महामार्ग पोलीस केंद्र घोटी व आपत्ती व्यवस्थापन टीमच्या सदस्यांना अनेक तासाच्या प्रयत्नानंतर मृतदेह बाहेर काढण्यात यश आले. अपघातातील दोनही मृतदेह जगतगुरु नरेंद्राचार्य महाराज संस्थानच्या मोफत रुग्णवाहिकेतून शवविच्छेदनासाठी इगतपुरी ग्रामीण रुग्णालयात पाठवण्यात आले आहे.
हेही वाचा :
- एकनाथ खडसेंना अवैध उत्खनन प्रकरणी 137 कोटींच्या दंडाची नोटीस
- ‘सह्याद्री’त पट्टेरी वाघांची डरकाळी घुमणार
The post 300 फूट खोल दरीत कोसळला आयशर, दोन ठार appeared first on पुढारी.