जळगाव : जिल्ह्यातील अमळनेर तालुक्यातील एका तरुणाला क्रेडीट कार्ड ऑफरची बतावणी करून साडेसात लाखांत गंडवल्याची घटना घडली आहे. या प्रकरणी जळगाव सायबर पोलिसात अज्ञात व्यक्तीविरुद्ध गुन्हा दाखल करण्यात आला आहे.
या संदर्भात अधिक असे की, मिलींद प्रकाश पाटील (वय- २३ वर्ष, व्यवसाय- खाजगी नोकरी, रा. मंगरुळ, ता. अमळनेर जि. जळगाव. हं.मु. विठ्ठल महाराज मंदिराजवळ भोयर वाडी, मान, हिंजेवाडी, पुणे) या तरुणाला १८ ते ते १९ जानेवारीच्या दरम्यान एका मोबाईल वरुन एक फोन आला. समोरून बोलणाऱ्या अज्ञात व्यक्तीने पर्सनल लोन व क्रेडिट कार्डच्या ऑफर बाबत सांगून मिलिंद पाटील यांचा विश्वास संपादन केला. यानंतर ओटीपी घेऊन त्यांच्या नावावर तब्बल ६ लाख ६९ हजार २६० रुपये एवढे पर्सनल लोन घेतले. एवढेच नव्हे तर लोनची संपूर्ण रक्कम व त्यांच्या बँक खात्यातील ९० हजार ७४० रुपये असे एकूण ७ लाख ६० हजार रुपये एवढी रक्कम अज्ञात भामट्याने स्वतःच्या ट्रान्सफर करून घेतली. या प्रकरणी जळगाव सायबर पोलिसात गुन्हा दाखल करण्यात आला असून पुढील तपास पो.नि. लिलाधर कानडे हे करीत आहेत.
हेही वाचा :
- Mumbai Crime | धक्कादायक! घाटकोपरमध्ये गतिमंद मुलीवर तिघांकडून बलात्कार, घटनेचा व्हिडिओ इन्स्टाग्रामवर व्हायरल
- थरकाप उडवणारी केजमधील घटना : महिला नायब तहसीलदारांना जाळून मारण्याचा प्रयत्न!
- सांगलीत घर फोडले; दागिने, रोकड लंपास
The post क्रेडीट कार्डच्या नावाखाली ऑफर असल्याचे सांगून तरुणास साडेसात लाखांना गंडवले appeared first on पुढारी.
