नाशिक : पुढारी वृत्तसेवा
महाराष्ट्र लोकसेवा आयोगाकडून 2023 मधील नियोजित विविध स्पर्धा परीक्षांचे अंदाजित वेळापत्रक आयोगाच्या https://mpsc.gov.in व https://mpsconline.gov.in या संकेतस्थळावर प्रसिद्ध करण्यात आले आहे, असे आयोगाचे सहसचिव सुनील अवताडे यांनी कळविले आहे. शासन सेवेतील विविध पदांवरील भरतीकरिता आयोगामार्फत वर्षभर विविध परीक्षांचे आयोजन करण्यात येते. त्यानुसार 2023 मध्ये घेण्यात येणार्या विविध परीक्षांचे वेळापत्रक आयोगाकडून निश्चित करण्यात आले आहे. प्रस्तावित परीक्षेचे वेळापत्रक निश्चित करताना संघ लोकसेवा आयोग, विविध विद्यापीठे, परीक्षा घेणार्या इतर संस्था इत्यादींकडून आयोजित करण्यात येणार्या परीक्षा एकाच दिवशी येणार नाहीत व उमेदवारांचे नुकसान होणार नाही यादृष्टीने आयोगाच्या परीक्षांचे वेळापत्रक निश्चित करण्यात येते. तरी संबंधित संस्थांनी परीक्षा एकाच दिवशी येणार नाहीत, याची दक्षता घेण्याचे आवाहन आयोगाने केले आहे.
हेही वाचा:
- T20 World Cup Ind vs ban : बांगलादेशने टॉस जिंकला, प्रथम गोलंदाजीचा निर्णय
- पुणे : प्लेटलेट्सचा तुटवडा, अनेक रक्तपेढ्यांमध्ये 2-3 दिवस पुरेल एवढाच साठा शिल्लक
- कर्नाटकात झुलत्या पुलावर थेट कार; कोल्हापूरच्या पर्यटकांची हुल्लडबाजी? (व्हिडिओ)
The post महाराष्ट्र लोकसेवा आयोग : एमपीएससी परीक्षांचे वेळापत्रक घोषित appeared first on पुढारी.