नाशिक : पादचारी वृद्धेची सोनसाखळी दुचाकीवरून आलेल्या दोघा भामट्यांनी ओरबाडून नेल्याची घटना गंगापूर रोड परिसरात घडली. पोलिसांनी दिलेल्या माहितीनुसार, मीनाक्षी अनिल खैरनार (६५, रा. सावरकरनगर, गंगापूर रोड) या रस्त्याने पायी जात हाेत्या. त्याचवेळी दुचाकीवरून आलेल्या दोघा चोरट्यांनी खैरनार यांच्या गळ्यातील ७० हजारांचे मंगळसूत्र खेचून पोबारा केला. या प्रकरणी गंगापूर पोलिसांत गुन्हा दाखल करण्यात आला आहे.
शहरातून दोन दुचाकी लंपास
नाशिक : शहरातील वेगवेगळ्या ठिकाणांहून दोन दुचाकी अज्ञात चोरट्यांनी चोरून नेल्याचा प्रकार समोर आला आहे. पोलिसांनी दिलेल्या माहितीनुसार, दर्शन जाधव (२०, रा. अमृतधाम, पंचवटी) याची दुचाकी (एमएच १५, एफजी ८४०४) सीजीएम कोर्टाच्या समोरील पार्किंगमधून अज्ञात चोरट्यांनी लंपास केली. तर भरत फकिरा फनसे (५२, रा. एकलहरा, नाशिकरोड) यांची दुचाकी (एमएच १५, सीएल ३७९४) राहत्या घराजवळून अज्ञात चोरट्यांनी लांबविली.
हेही वाचा :
- Snehal Lohakare : वाट बघतोय रिक्षावाला…स्नेहलचे भरपावसात रस्त्यावर फोटोसेशन
- महिलांच्या फसवणूक प्रकरणी ढमढेरे दांपत्याला सश्रम कारावास ; बारामती न्यायालयाचा निकाल
- Stock Market Closing Bell | सेन्सेक्स ३५१ अंकांनी वाढून बंद, बायबॅक ऑफरमुळे ‘या’ शेअर्समध्ये तुफान तेजी
The post नाशिक क्राईम : पादचारी वृद्धेची सोनसाखळी ओरबाडली appeared first on पुढारी.
