जळगाव : पुढारी वृत्तसेवा
शहरातील जुने जळगाव भागात असलेल्या आंबेडकर नगरात आज (दि. १९) सकाळी ९.३० वाजेच्या सुमारास दोन घरांना अचानक आग लागल्याने संसारोपयोगी वस्तू जळून खाक झाल्याची घटना समोर आली आहे. जळगाव महानगरपालिकेचे दोन अग्निशमन बंबाने घटनास्थळी धाव घेऊन आग विझवण्यात आले आहे.
याबाबत अधिक माहिती अशी की, जळगाव शहरातील जुने जळगाव भागात असलेल्या डॉ. बाबासाहेब आंबेडकर नगरात आज सकाळी ९.३० वाजेच्या सुमारास एका पार्टेशनच्या घरामध्ये अचानक आग लागली. दरम्यान ही आग कशामुळे लागली ही माहिती अद्यापसमोर आलेले नाही. दरम्यान या आगीमुळे शेजारी असलेल्या पार्टिशनच्या घराने देखील पेट घेतला. यामध्ये दोघी कुटुंबातील घरातील संसारोपयोगी वस्तूंसह महत्वाची कागदपत्रे आदी सामान जाळून खाक झाले आहे.
या घटनेची माहिती मिळाल्यानंतर जळगाव महानगरपालिकेचे दोन अग्निशमन बंब घटनास्थळी धाव घेऊन आग विझविण्यात आली आहे. यामध्ये दोन्ही कुटुंबाचे मोठे नुकसान झाले आहे. दरम्यान या घटनेबाबत पोलिसांत कुठलेही नोंद करण्यात आलेले नाही. महापालिकेच्या अग्निशमन विभागाच्या पथकातील अग्नीशमन अधिक्षक शशिकांत बारी, गिरीश खडके, युसूफ अली, नंदू खडके, मोहन भाकरे, रवि बोरसे, रोहिदास चौधरी, पन्नालाल सोनवणे, संतोष पाटील यांच्यासह परिसरातील नागरीकांनी आग विझविण्यासाठी परिश्रम घेतले.
हेही वाचा :
- भांडगाव चौकातील बेशिस्त पार्किंग कोण हटवणार ?
- पिंपरी : हिंदू जनगर्जना मोर्चास उत्स्फूर्त प्रतिसाद ; मोर्चात महिला व युवतींचा सहभाग लक्षणीय
- पिंपरी : हिंदू जनगर्जना मोर्चास उत्स्फूर्त प्रतिसाद ; मोर्चात महिला व युवतींचा सहभाग लक्षणीय
The post जळगावात दोन घरांना आग, संसारोपयोगी वस्तू जळून खाक appeared first on पुढारी.
