जळगाव : पुढारी वृत्तसेवा
जुन्या वादातून एका २३ वर्षीय तरुणाची हत्या केल्याची घटना भुसावळ तालुक्यातील फेकरी गावात उघडकीस आली आहे. याप्रकरणी भुसावळ तालुका पोलिसांनी खुनाचा गुन्हा दाखल केला असून, संशयित आरोपीस अटक केली आहे.
याबाबत भुसावळ तालुका पोलिस स्थानकात आकाश शांताराम शेळके (२५, रा. फेकरी, वाल्मिकनगर, ता.भुसावळ) यांनी दिलेल्या फिर्यादीनुसार त्यांचा लहान भाऊ मंगल शांताराम शेळके (२३) याच्यासोबत पूर्वी झालेला वाद उकरुन काढत संशयित राहुल तुकाराम पाडळे (२८, मु.पो. फेकरी, ता. भुसावळ) याने मंगलची कॉलर पकडून त्याला शिवीगाळ केली. तसेच त्याच्याशी झटापट करत असताना त्याला चालत्या दुचाकीवर (क्रमांक एम.एच.१९ ई.बी. २०२४) जबरदस्तीने बसवत नंतर जोराने ढकलून दिल्याने तो फेकरी उड्डाणपुलाखाली दुचाकीवरून पडल्याने त्यास जबर दुखापत होवून मेंदूला मार लागल्याने त्याचा जागीच मृत्यू झाला. खूनप्रकरणी तालुका पोलिसांनी संशयित राहुल तुकाराम पाडळे यास अटक केली आहे. आरोपीस कोर्टात हजर केले असता २२ जूनपर्यंत पोलीस कोठडी सुनावली आहे. तपास पर्यवेक्षाधीन पोलीस उपअधीक्षक सतीश कुलकर्णी करीत आहेत.
हेही वाचा:
- Ashadhi wari 2023 : ज्ञानोबांच्या वारीसंगे चाले माझ्या संसाराची वारी ; पालखी सोहळ्यात होते हजारोंची उलाढाल
- मराठी चित्रपटसृष्टीतील अभिनेत्री स्पृहा जोशीचे हटके फोटो पाहिले का?
- आजारी पडण्यापूर्वीच काढा ‘शहरी गरीब’ कार्ड ; गैरप्रकार टाळण्यासाठी महापालिकेचा निर्णय
The post Jalgaon murder : जुन्या वादातून तरुणाची हत्या, संशयितास अटक appeared first on पुढारी.