जळगाव : पुढारी वृत्तसेवा
चाळीसगाव शहरातील एच.एच. पटेल या तंबाकूच्या कंपनीतील कंपाऊंडची भिंत कोसळून तीन मजूर ठार झाल्याची दुर्घटना घडली आहे.
या संदर्भातील माहिती अशी की, चाळीसगाव येथे एच.एच. पटेल ही तंबाकू निर्मित करणारी कंपनी आहे. या कंपनीत रविवारी (दि.19) रात्री दुर्घटना घडली. कंपनीतील नाली सफाईचे काम सुरू होते. याच ब्रेकर मशिनने काम सुरू असतांना अचानक कंपाऊंडची भिंत कोसळून मजूर दबले गेले. यात मोहंमद अकील साकीर आली, विनीत कुमार जमुनाप्रसाद चौरसिया आणि लतीफ रहीम बक्स हे तीन मजूर मृत्यूमुखी पडले. दुर्घटनेत एक मजूर जखमी झाला असून त्याच्यावर उपचार सुरू आहेत. दरम्यान, रात्री उशीरा पोलीस स्थानकात नोंद करण्यात आली आहे. मयत तिन्ही कामगार हे उत्तर प्रदेशातील होते.
हेही वाचा:
- काष्टी : पारधी समाजाच्या मुलांना आता बोलीभाषेतून शिक्षण
- ट्रॅक्‍टरला ट्रेलर जोडल्‍याने चालकाचे ड्रायव्‍हिंग लायसन्‍स अवैध ठरत नाही : मुंबई उच्‍च न्‍यायालयाने विमा कंपनीचा युक्‍तीवाद फेटाळला
- पुणे : मार्चअखेरमुळे बाजारातील उलाढाल मंदावली
The post जळगाव : चाळीसगाव येथे मोठी दुर्घटना; भिंत कोसळून तीन मजूर ठार appeared first on पुढारी.
