नाशिक : पुढारी वृत्तसेवा
नाशिक महापालिकेतील घंटागाडी कामगारांची 2016-17 या काळातील किमान वेतनाची थकबाकी संबंधित ठेकेदाराकडून येणे आहे. यासंदर्भात आयुक्तांनी वारंवार आश्वासन देऊनही त्यासंदर्भात कार्यवाही होत नसल्याने शुक्रवारी (दि.31) महापालिकेसमोर धरणे आंदोलन करण्यात येणार आहे. घंटागाडी कामगारांनी किमान वेतन मागितले म्हणून संबंधितांना काम नाकारण्यात आले होते. कामगारांसंदर्भात मनपाच्या घनकचरा व्यवस्थापन विभागाला पत्र देऊन संबंधित विभागीय अधिकार्‍यांच्या चौकशीचे पत्र दिले. परंतु, अद्याप त्यावर कोणतीही भूमिका घेण्यात आली नाही. 21 दिवसांच्या भरपगारी रजेच्या थकीत वेतनाबाबत पुढे कार्यवाही नाही. या व इतर प्रलंबित प्रश्नांबाबत 31 मार्चला मनपासमोर सकाळी 10 ते सायंकाळी 5 या वेळेत धरणे आंदोलन करणार असल्याची माहिती नाशिक महापालिका श्रमिक संघाचे उपाध्यक्ष महादेव खुडे यांनी दिली.
हेही वाचा:
- Amruta Khanvilkar : ‘चंद्रा’वर नारंगी रंगाची उधळण
- नाशिक : सिन्नर औद्योगिक वसाहतीचे प्रश्न लवकरच मार्गी लागणार
- पन्हाळा : बाघबीळ तिठ्यावर पाण्याचा टँकर दरीत घसरला; ‘ते’ झाड नसते तर…
The post नाशिक मनपा घंटागाडी कामगारांचे आज धरणे appeared first on पुढारी.
