जळगाव : अमळनेर येथे उसळलेल्या दंगलीतील संशयिताचा बुधवारी (ता.१४) रात्री रुग्णालयात उपचार सुरू असताना मृत्यू झाला. या घटनेनंतर अमळनेरमध्ये पुन्हा दंगलीची अफवा पसरविण्यात आली, मात्र तसा कोणताही प्रकार नसून शांतता बाळगण्याचे आवाहन पोलिसांनी केले आहे. शहरात तणावपूर्ण शांतता असून, पोलीस यंत्रणा सतर्क करण्यात आली आहे.
अमळनेर शहरात दंगल झाल्याची घटना गेल्या चार दिवसांपूर्वी घडली होती. याप्रकरणी पोलिसांनी २९ आरोपींना अटक केली होती. १३ आरोपींना १४ पर्यंत पोलीस कोठडी, तर १८ जणांना न्यायालयीन कोठडी सुनावण्यात आली होती. यामध्ये अमळनेरचे माजी नगरसेवक सलीम टोपी यांच्यासह त्यांचा मुलगा अशपाक उर्फ पक्या सलीम शेख (वय 33, रा.गांधलीपुरा, अमळनेर) यालादेखील आरोपी करण्यात आले होते. त्यानंतर अशपाक याला पोलिसांनी अटक केली होती.
उपचारादरम्यान झाला मृत्यू
संशयित अशपाक हा पोलीस कोठडीत असतांना त्याला उपचारासाठी दि.१३ रोजी जिल्हा वैद्यकीय रुग्णालयात दाखल करण्यात आले होते. जिल्हा वैद्यकीय रुग्णालयातील कैदी वॉर्डात उपचार झाल्यानंतर त्याला अत्यवस्थ वाटू लागले. त्यानंतर त्याला अतिदक्षता विभागात हलविण्यात आले होते. बुधवारी रात्री उपचार घेताना अशपाक याचा मृत्यू झाला.
हेही वाचा :
- पुणे : पीएमपी कर्मचाऱ्यांना पुढच्या महिन्यापासून संपुर्ण वेतन आयोग लागू : पालकमंत्री चंद्रकांत पाटील
- Ashadhi Wari 2023 : रखरखत्या उन्हात माउलींच्या पालखीचे पुरंदरमध्ये स्वागत
- शेतकऱ्यांना विनाकारण त्रास देणाऱ्या बँकांवर कडक कारवाई करणार : देवेंद्र फडणवीस यांचा इशारा
The post Jalgaon : अमळनेर दंगलीतील संशयिताचा मृत्यू, दंगलीच्या अफवेमुळे पोलीस यंत्रणा सतर्क appeared first on पुढारी.