सिन्नर-घोटी महामार्गावर पहाटेचा प्रकार; दीड हजार किलो गोमांस पकडले

घोटी (नाशिक) : एका हॉटेल परिसरात पिक-अप थांबल्याचे पोलिसांना दिसले. पोलिसांनी चौकशी करताच वाहनचालक व वाहक अंधाराचा फायदा घेऊन पसार होण्याच्या मार्गावर असतानाच पोलीसांनी साधली संधी आणि केला खुलासा....

सिन्नर-घोटी महामार्गावर पहाटेचा प्रकार
संगमनेर (जि. नगर)मार्गे मुंबईत कत्तल केलेले गोमांस विकण्यासाठी पिक-अप (एमएच डी ४, ५६६८) सिन्नर-घोटी मार्गावरील सिन्नर फाटा येथून जाणार असल्याची खबर पोलिसांना कळली. सहाय्यक पोलिस निरीक्षक जालिंदर पळे, उपनिरीक्षक संजय कवडे यांनी पथकाला सोबत घेऊन सापळा रचला. एका हॉटेल परिसरात पिक-अप थांबल्याचे पोलिसांना दिसले. पोलिसांनी चौकशी करताच वाहनचालक व वाहक अंधाराचा फायदा घेऊन पसार होण्याच्या मार्गावर असताना शीतल गायकवाड, संदीप मथुरे यांनी पकडले. अब्दुल मतीन इमानुल्ला शहा (वय ३५, रा. मुंबई) व एहसान कुरेशी (२८, रा. कुर्ला) अशी संशयितांची नावे आहेत.

 हेही वाचा - स्‍वयंपाकगृह ते थेट 'CA'! गिरणी व्‍यावसायिकाच्या लेकीची उत्तुंग भरारी

घोटी पोलिसांनी पकडले गोमांस,

मुंबई येथील कमर अली गुलाम अली कुरेशी संगमनेर यांच्यामार्फत वसीम कुरेशी मुंबई यांना विक्रीसाठी घेऊन जात असल्याचे पोलिसांनी सांगितले. या वाहनात दीड लाख रुपये किमतीचे एक हजार ५०० किलो गोमांस पकडण्यात आले. सोबत महिंद्र कंपनीची चार लाख रुपये किंमतीची पिक-अप ताब्यात घेतली.  

हेही वाचा - दशक्रियाची विधी पडली महागात! वारंवार सांगूनही नियमांची एैशीतैशी; परिसरात खळबळ

दोघांना बेड्या 

सिन्नर-घोटी महामार्गावर मंगळवारी (ता. २३) पहाटे घोटी शिवारात गोमांस वाहतूक करणाऱ्या पिक-अप वाहनासह दोन सराईतांना घोटी पोलिसांनी बेड्या ठोकल्या.