नाशिक : सातबारा उताऱ्यावर नोंद करून देण्याच्या मोबदल्यात २० हजार रुपयांची लाच घेणाऱ्या तलाठी सचिन काशीनाथ म्हस्के (३८, रा. तपोवन लिंक रोड, उत्तरानगर) याच्याविरोधात गुन्हा दाखल करण्यात आला आहे.
घोटी येथील तक्रारदाराने इगतपुरी तालुक्यातील मुरंबी गावात शेती खरेदी केली. त्यानुसार सातबारा उताऱ्यावर नाव लावण्यासाठी तक्रारदाराने म्हस्के यांच्याशी संपर्क साधला, त्यावेळी त्याने २० हजार रुपयांची लाच मागितली. त्यानुसार लाचलुचपत प्रतिबंधक विभागाने सापळा रचून १ जुलैला सायंकाळी गोविंदनगर ते इंदिरानगर दरम्यान कारमध्ये लाचेची रक्कम स्वीकारताना म्हस्के यास पकडले. त्यानुसार लाचलुचपत प्रतिबंधक विभागाचे निरीक्षक संदीप घुगे यांच्या फिर्यादीनुसार, मुंबईनाका पोलिस ठाण्यात म्हस्केविराेधात गुन्हा दाखल करण्यात आला आहे.
हेही वाचा :
- ‘पहिला मोहरा परत’ ! अमोल कोल्हे यांच्या वापसी नंतर जितेंद्र आव्हाडांचं ट्वीट
- नगर : दामिनी पथकाचा बे‘भरोसा’ कारभार..!
- नगर राष्ट्रवादी दुभंगली ! नगर शहराध्यक्ष शरद पवारांसोबत तर अकोले, पारनेर तालुकाध्यक्ष लंके, लहामटे यांच्यासोबत !
The post नाशिक : २० हजार रुपयांची लाच घेताना तलाठी जाळ्यात appeared first on पुढारी.