नाशिक : पुढारी वृत्तसेवा
दारात वाळत घातलेले धान्य खाणाऱ्या डुकराला हुसकावल्याच्या रागातून टोळक्याने कुटुंबाला मारहाण केल्याची घटना एकलहरा गेट परिसरात घडली. फिर्यादी रमेश कारभारी चव्हाण (रा. पहाडीबाबा झोपडपट्टी, एकलहरा गेट, नाशिकरोड) यांच्या राहत्या घरासमोर त्यांची आई गहू व इतर धान्य वाळवत होती. त्याचवेळी एक डुक्कर धान्य खाऊ लागल्याने, संबंधित महिलेने त्याला हुसकावले.
त्यावरून शेजारी राहणारे संशयित शांताराम कापसे, अनिल शिंदे, मधुकर कापसे, प्रकाश कापसे, राजू कापसे, अनिकेत कापसे, खली ऊर्फ संतोष पवार (सर्व रा. पहाडीबाबा झोपडपट्टी, नाशिकरोड) यांनी फिर्यादी चव्हाण आणि त्यांची आई व दोन पुतण्यांना शिवीगाळ व दमदाटी करून लाकडी दांडका व बॅटने कुठल्यातरी हत्याराने मारहाण केली. या प्रकरणी नाशिकरोड पोलिस ठाण्यात सात जणांविरुद्ध गुन्हा दाखल करण्यात आला असून, पोलिस उपनिरीक्षक गोसावी अधिक तपास करीत आहेत.
हेही वाचा :
- रत्नागिरी : पोलिस भरतीत एकापेक्षा जास्त अर्ज करणाऱ्यांना न्यायालयाचा दणका
- Japan PM Fumio Kishida | जपानचे पंतप्रधान फुमियो किशिदा यांच्यावर स्मोक बॉम्बने हल्ला, थोडक्यात बचावले
- सतेज पाटील घाबरले; विरोधकांत दम नाही : अमल महाडिक
The post नाशिक : डुकराला हुसकावले म्हणून मारहाण, सात जणांविरोधात गुन्हा appeared first on पुढारी.
